Насочено слушање

Серијална музика: Пјер Булез – „Le Marteau sans maître“. Пример за целосна организација на тоновите, ритамот и динамиката во строги серии. Делото звучи фрагментирано, интелектуално и конструктивно.

Конкретна музика: Пјер Шефер – „Étude aux chemins de fer“ (1948). Композиција создадена од снимени звуци на возови, тркала и железнички шумови. Пример за користење на реални звуци како музички материјал.

Електронска музика: Карлхајнц Штокхаузен – „Gesang der Jünglinge“. Комбинација на човечки глас и електронски генерирани звуци. Еден од првите значајни примери на електронска композиција.

Алеаторика: Џон Кејџ – „Music of Changes“. Дело во кое одредени елементи се определуваат со случајни постапки. Секоја изведба може да звучи различно.

Оваа композиција се смета за ремек-дело на музичкиот импресионизам. Нејзиното настанување е инспирирано од истоимената поема на Маларме. По премиерата на делото, Маларме му напишал на Дебиси: Длабоко сум трогнат... Вашата музика оди подалеку од мојот текст, во носталгија, сензуалност, светлост... со восхит Ве поздравувам!

Дебиси има напишано две арабески, од кои првата е повеќе позната. Ова се и негови први дела напишани за пијано и воедно се пресвртница во неговата кариера.

Болеро е една од широко најпопуларните композиции. Пишувана на еден музички мотив, таа претставува пример за тоа дека во музиката движењето може да се постигне со оркестарско „боење.”

Ова е едно од ретките дела на Шенберг кое веднаш доживеало успех. Делото е за рецитатор, машки хор и оркестар, на сопствен текст во кој Шенберг ги оживува крвавите брутални страници од еврејските погибија од страна на нацистите во Втората светска војна.

„Петрушка“ е еден од трите најзначајни балети на Стравински. Премиерата била во 1911 год. и од тогаш младиот 28-годишен Стравински го започнува својот пат кон успехот. Во ова дело се случуваат многу музички новини кои ќе го отворат патот на музиката во XX век.

За разлика од првите два балети на Стравински „Птицата жар“ и „Петрушка“, чија музика била прифатена, „Посветување на пролетта“ не наишла на одобрување кај публиката. „Варварскиот“ ритам, суровоста на дисонанците и острите судири на звучните комплекси не наишле на позитивен одѕив кај публиката. 

Концертот за клавир и оркестар бр. 1 е најкраткиот концерт на Прокофјев. Напишан е во еден став и трае околу 15 минути. Клавиристката на овој линк е Јуџа Ванг, една од најдобрите и најпознати во моментот, а диригентската палка е во рацете на Кирил Петренко - шеф диригент на Берлинската филхармонија.

„Кармина бурана“ е кантата која е напишана на 24 поеми. 
„O fortuna“ е првата поема. Оваа поеми се користи како музичка илустрација во филмската индустрија, особено кога се однесува на средновековни теми.