Насочено слушање

Оваа композиција која е многу карактеристична за Барток, на почетокот наишла на многу критики од конзервативците. Клавирот во неа е третиран повеќе како ударен инструмент, а присуството на дисонанци даваат суров, варварски звук.

Ова дело е настанато како резултат на Бартоковото истражување не само на сопствениот унгарски фолклор, туку и на соседните земји како што е Романија. 

Оваа композиција има пет става и е едно од најпознатите дела на Барток. Ова не е традиционална концертна форма, но самиот тој рекол дека го именувал делото како концерт, а не како симфонија, заради солистичкиот третман на инструментите во него.

Балетот „Ромео и Јулија“ е ремек-дело на Прокофјев и на современата балетска музика воопшто, а „Танцот на витезите“ едно од најупотребуваните музички фрагменти во илустративни цели.