1.21

Оркестарско дело инспирирано од поемата на Маларме. Слушај ја меката флејта на почетокот и „лебдечката“ хармонија што создава сонлива атмосфера.

Лирична клавирска композиција од „Бергамаска свита“. Слушај ја нежната динамика и постепеното градење на звучната атмосфера.

Оваа опера е единствената завршена опера на Дебиси и е важна затоа што ја отстапува класичната вокална традиција, нудејќи природна интонација блиска на говорот и суптилна инструментална колористика која потсетува на импресионистичка слика во звук.

Овој фрагмент од четвртиот чин претставува еден од најличните и најемотивни моменти во операта. Слушај како оркестарот и гласовите се меѓусебно поврзани во тивка, сонувачка музика што ја одразува драмата и внатрешните чувства на ликовите – типично за импресионистичкиот стил на Дебиси.

Најпознатото дело на Равел. Изградено врз една единствена тема што постојано се повторува, додека оркестарската боја и динамиката постепено се менуваат. Одличен пример за мајсторска оркестрација и постепено градење на звучна кулминација.

Ова дело претставува оркестарска верзија на клавирската свита „Слики од изложбата“ од Модест Мусоргски. Равел со својата извонредна оркестрација ѝ дал нов, блескав звучен колорит, користејќи богата палета на инструменти и контрасти. Слушај како различните инструменти ги „сликаат“ музичките ликови и сцени, создавајќи впечаток дека навистина се движиш низ изложба.

Фрагмент од балетот со исклучително богата оркестрација. Слушај како оркестарот ја создава атмосферата на разденување – постепено осветлување, меко движење и звучен колорит.

Лиричен и елегантен став со нежна мелодија и префинета придружба. Тука се слуша Равеловата јасна форма, прецизен ритам и суптилна хармонија.