Насочено слушање

Фрагмент 1: Џоакино Росини – „Вилијам Тел“ (увертира) (0:00 -1.24 ) 
Познатата увертира започнува мирно, со пасторална атмосфера, а подоцна преминува во енергичен марш. Оркестарот создава драмска напнатост и динамичен контраст.

Фрагмент 2: Џоакино Росини – „Севилскиот бербер“ (увертира) (1:26 - 3:28) 
Весела, жива и духовита музика што го најавува комичниот карактер на операта.

Фрагмент 3: Џоакино Росини – „Севилскиот бербер“ (Каватина на Фигаро – „Largo al factotum“) (3:29 - 6:16) 
Фигаро се претставува како снаодлив и самоуверен лик. Виртуозна вокална техника и брзи пасажи.

Фрагмент 4: Џоакино Росини – „Севилскиот бербер“ (Каватина на Розина) (6:18 - 8:05) 
Лирична, но темпераментна арија што ја открива карактерната сила на Розина.

Фрагмент 5: Гаетано Доницети – „Љубовна напивка“ („Una furtiva lagrima“) (8:08 - 10:21) 
Една од најпознатите лирски арии во романтичната опера. Нежна и искрена љубовна исповед.

Фрагмент 6: Винченцо Белини – „Норма“ („Casta Diva“) (10:24- 12:26) 
Смирена и возвишена арија со долги, пејачки фрази. Пример за совршен bel canto стил.

Фрагмент 1: „Аида“ („Слава“ и „Триумфален марш“)– Џузепе Верди (0:00 - 03:05) 
Монументална сцена со хор и оркестар. Претставува триумф и величественост.

Фрагмент2: „Набуко“ (Хорот на Евреите – „Va, pensiero“) - Џузепе Верди (03:08 - 06:05) 
Емоционален и достоинствен хор што станал симбол на националната борба.

Фрагмент 3: „Риголето“ („La donna è mobile“) - Џузепе Верди (06:07 - 07:06) 
Лесна и запомнлива мелодија што го прикажува карактерот на војводата.

Фрагмент 4: „Травијата“ (винска песна – „Brindisi“) - Џузепе Верди (07:08 - 09:08) 
Разигран дует со весел карактер. Контраст меѓу радост и скриена драма.

Фрагмент 5: „Трубадур“ (Хорот на Циганите) - Џузепе Верди (09:11 - 10:37) 
Енергична сцена со ритмички впечатлива хорска музика.

Фрагмент 1: „Волшебниот стрелец“ (Хорот на ловците) - Карл Марија фон Вебер (0:01-1:07) 
Романтична германска опера со народен карактер и хорска сила.

Фрагмент 2: Рихард Вагнер – „Валкира“ („Летот на валкирите“) (1:14 - 2:58) 
Моќна оркестарска сцена со драмска енергија.

Фрагмент 3: „Лоенгрин“ (Свадбен марш) - Рихард Вагнер (3.00 - 4:30) 
Свечена и возвишена музика со богата оркестрација.

Фрагмент 4: „Кармен“ (увертира) - Жорж Бизе (4:31 - 6:21) 
Енергична и темпераментна музика со шпански колорит.

Фрагмент 5: Жорж Бизе – „Кармен“ (Хабанера) (6:25 - 8:39) 
Сензуална и ритмички специфична арија со шпански танцов карактер.

Фрагмент 6: Жорж Бизе – „Кармен“ (Песна на тореадорот) (8:44 - 11:03) 
Самоуверена и впечатлива арија со маршевен карактер.

Жорж Бизе – „Кармен“ (Боемски танц – II чин)
Разиграна танцова сцена со изразен фолклорен колорит.